"Flashlight"

Nahihirapan ang ilaw sa pagbibigay ng liwanag

Kasabay ng pagkurap ang paghina at pagtamlay

Hanggang sa nilamon ng dilim ang liwanag

Nakakasilaw.

yelo

Malamig ang dampi ng tubig

Sumabay pa ang pag-ihip ng hangin

Hanggang sa nagyelo na ang aking damdamin.

Putol na ang ugat sa binti

tapos na ang lakad patungo sa iyong ngiti.

tangan-tangan ng Disyembre ang sandamukal na kasiyahan

mabilis ang pagyakap

ngunit

higit na mabilis

ang pagtiwalag.