kwela-iskwela

matatapos ang ngayon/ tatawagin itong kahapon/ at para marating ang kinabukasan/ kailangang tapusin ang maghapon/ salamat po Panginoon/ para sa mga taong/ nahuhuli sa karera/ ay lagi mong nililingon/ at ginagawaran ng isa pang pagkakataon.

gising nang/ alas kwatro-y-media/ ng umaga/ deretso sa kubeta/ ang almusal para sa 'kin di mabenta/ higop ng gatas sa tasa/ ayoko ng kape o tsaa/ mapakla ang lasa/ mag-aabang, sasakay, at dapat listo ka sa bus/ baka makatulog/ lumampas sa lawton at mapadpad sa sta. cruz

ang aga-aga/ ko na/ ang haba-haba pa rin pala/ ng pila/ parang di umaandar kanina pa/ anak ng tinapa/ ihing-ihi na ko/ 'pag pasok ko sa banyo/ kumunot ang noo/ sa sobrang baho/ sa ilong ko/ parang may gumuguhit na basag na plato/ walang tabo/ ang salamin malabo/ walang tubig sa gripo/ at yung magagandang banyo/ nakakandado.

balik sa pila/ na kanina ay may tatlongpu't walong katao/ pero ngayon/ parang lahat ng tao/ sa pitong libo - isandaa't pitong pulo/ ay nandito/ nakakahilo/ inom muna ng C2/ pampalamig sa mainit na ulo kong kumukulo/ pagkatapos sa pila/ punta dito, balik doon/ pagkatapos ng labing anim na beses na paikot-ikot/ at pabalik-balik/ salamat at tapos na rin ang enrollment/ sa first day of class meron agadassignment/ mahabang sulat-kamay, nakakangawit/ kung ang sulat mo pangit/ baka ipa-ulit/ kung ma-late at mapagtripan/ pakita ka ng special talent/ nakakabwiset/ pero ngingiti ka pa rin kay sir/ parangcontestant ng beauty pageant/ minsan late ang prof. at konti lang naituro/ di pa klaro/ ang labo/ patay!/ dahil bukas may long quiz tayo/ anong aasahan mo/ sa grado ko?/ syempre zero/ ayos lang/ sayo na isandaan mo/ nakita ko/ kanina nire-review mo/ lukot na kodigo/ ipagmalaki mo yan sa lolo mo!/ prelim, midterm, final exam/ laging inaasam/ ang isandaan/ pero di makamtan/ dahil ang hinaharangan/ ng bungo kong kapirasong laman/ ay kaunti lang/ ang nalalaman/ pero punong-puno ng wisyo/ at may di nababaleng prinsipyo/ ang talino/ di ibinase sa libro/ utak-kalye/ sa buhay may diskarte/ magalang sa nakatatanda/ at maginoo sa babae/ kahit minsan lang makadale o minsan lang makabawi/ alam mong pasado ka na sa klase/ pero sabi ni sir na bungi/ panot at pangit/ ako daw ay sumabit/ at kailangan daw ng special project

Nakakapagod.

kahit ganito ang iskwela ko/ kwela dito/ kahit mainit sa klasrum/ 'kaantok/ nakaka-high para kang tumira ngvaluum/ uminom ka ng imodium/ dahil nakaka-pressure/anglecture/ at lahat ng uri ng submission/ pero di problema ang tuition/ fee/ may sobra palagi/ pambili o pang-libre/ ng sisig/ at isa't kalahating kanin/ at may konti pang toppings/ o pwede ka rin tumuhog/ wala lang sanang mahuhulog/ fishball at kikiam/ o kwek-kwek/ ganito ang iskwela ko/ di man perfect. kahit pangalawang beses na inulit ko/ o kahit umabot ng pang-walo/ uulitin ko/ ang buhay-kolehiyo/ ng pagiging inhinyero/ ay pipiliin ko pa rin ang iskwelang ito.

photo|tough hits vol. 2 by tito vic and joey

plojopoemas|march.21.2010|6.32pm

tik-tak-tik-tak

sana naging masaya at malaya/ sana naabot mga bituin at tala/ sana umibig ng walang daya/ sa mga makasalanan/ na aking katulad/ na lagi mong pinapatawad/ sa paglalakbay/ eto na ang huling antala/ ikaw na pong bahala/ salamat po bathala

tik-tak-tik-tak/ ang kamay ng orasan di mapagsasabihan/ di mapipigilan/ kahit sandali lamang/ habang/ nakaratay sa kama ang katawan/ ulo nakapatong sa unan/ ang braso sa kanan/ may nakabaong/ karayom/ 'sing haba ng payong/ karugtong/ mahabang hose/ daanan ng dugo at dextrose/ mahirap makaraos/ ang boses paos/ walang gana/ walang panlasa/ gamot ang laman ng tasa/ pati kutsara/ nakakauta/ ang bibig parang bubula/ at parang bangungot/ na binabalot/ ng lungkot/ ang buong kwarto/ at lahat ng aparato/ sa 'kin ipinako/ ang binti at braso/ paralisado/ ineksyon parang kagat ng lamok/ na kasing laki ng manok/ at ang huling katok/ ni dok/ sa pinto/ ay nagbanta/ masamang balita/ nang makita/ ang resulta/ 'nak ng puta/ kritikal/ sa hospital/ tiwakal/ pisi ng buhay mapipigtal/ dalawang/ araw na lamang/ ang nakalaan/ para solusyunan/ ang karamdaman/ panalangin ang tanging pananggalang/ sa laban

tik-tak-tik-tak/ yakap ng siga kong tatay/ panalangin ng maunawain kong nanay/ matiyagang tita nakabantay/ sundalong tito may payong malumanay/ astig na utol kong bunso/ mga pinsang luko-loko/ may malaking puso/ nag-aalala ng husto/ maarugaing lola/ na nagpakita/ balewala ang pera/ iniwas ako sa disgrasya/ praning na tropa/ ang oras pinagkasya/ para makabisita/ at ipakita/ ang tunay na halaga/ ng barkada/ doktor na bakla/ may mahusay na reseta/ gamot, mapakla/ pero mainam ang resulta/ nurse na maganda/ umupo sa 'king kama/ ineksyon na lampas trenta/ punyeta/ ang kamay ko maga na/ pero malambing ang mga haplos/ himas at ngiti/ pantanggal ng kirot/ manhid at hapdi/ at ang dampi/ ng na sa itaas/ tingin sa sinuman laging patas/ malubhang sakit laging may lunas/ at laging nagbibigay--lakas

tik-tak-tik-tak/ salamat sa pangalawang buhay/ panibagong paglalakbay/ na makulay/ walang humpay/ at kung may, lubak at hukay/ iiwas ng malumanay/ at buong tapang tutulay/ magiging malaya/ parang ibong maya/ magiging masaya/ parang payasong may tama/ hindi mandadaya/ laging pupusta sa tama/ mga bagong pangarap/ na mailap/ di nakakalat at mapagpanggap/ ay mahahanap/ makakalap/ makakamtan ng tapat/ matutupad at magpapasalamat/ naririnig ang tinig/ ang himig/ ang bulong ng pag-ibig/ na nananaig/ ipayayapos ang kilig/ sa init at lamig/ ipahihiwatig sa buong daigdig/ magiging masaya at malaya/ aabutin mga bituin at mga tala/ at iibig ng walang daya.

tunog ng talbog

kada, talbog ng bola/ sa kongkretong kalsadang/ baku-bako/ bawat galaw na liku-liko/ bawat takbong deretso/ walang preno/ bumira ng dos o tatlo/ buslo/ masuhay ang pulso/ walang kapos, laging husto/ bawat tira sakto/ ang galaw nakakalito/ kontra-tyempo/ ninakaw na ang bola sa kamay mo/ dapat listo/ sa ilalim ang pwesto/ ingat sa pito/ baka ma-tatlong segundo/ kung may reklamo/ dun ka sa presinto/ ubos na ang minuto/ naibuslo ko na ang panalo.

walang atrasan/ sa labanan/ ang talunan lamang/ ay koponan nila Magellan/ di iniinda ang banggaan ng katawan/ magka-pasa man/ ang karamdaman di kaya ng Alaxan/ bumangga man sa kasing laki ni superman/ ay pasan-pasan/ ang kakayahan/ na lumaban/ hanggang katapusan/ kasing liit ko man si Bal David/ kung talisurin at humampas sa sahig/ ay di pa rin padadaig/ bawat daang makitid/ ay pilit na tinawid/ bawat lay-up lumilipad sa himpapawid.

mas malaki kayo kaysa sa 'min/ mas matulin/ tangkad di kayang abutin/ liksi di kayang habulin/ kayo ay di namin/ kayang dayain/ dahil sa 'nyo ang ballpen ng committee/ sa 'nyo ang pito ng referee/ niluto ang laban, kami ang recipe/ kayo ang nagwagi/ kami ang nagapi/ pero mga manunood sa 'min kumampi/ nakuha 'nyo ang pekeng trophy/ simpatsa ng nakararami/ ang aming naani/ at kahit pa muling makatunggali/ ay lalaban kaming muli/ hanggang sa huling sandali.

payong

sarap mong payungan

sarap nyang payungin!

tanghali na naman/ at wala na namang masakyan na di-tayuan/ ukopado na ng iba't-ibang tao ang lahat ng upuan/ at tuluyan ng bumiyahe sa mahabang daanan/ nagbayad at nasuklian/ oras na para bumukas ang automatic na pintuan/ pagka-hakbang sa hagdanan/ pagbaba sa kalsada muntik pang masagasaan/ umpisa ng araw na nuknukan ng kamalasan.

pinatay na ang kanta na tumutugtog sa aking tenga/ kinapa ang bulsa at anak ng tupa/ nawalan ako ng syento-singkwenta pesos/ at ang natirang dalawang piso pinambili ko na lang ng mentos/ pangkalma, pangbanto/ sa mainit kong ulo na kumukulo.

pumasok na ako sa malaking kahoy na pinto/ na-alarma ang gwardiya at pumito/

"travelling?" ang sabi ko/ sabi nya, "tarantado, yung i.d. mo isuot mo"/ ako'y umeskapo patungong banyo/ sa unang banyo/ baha at lahat ng butas ay barado/ ultimo ang tubero mainit ang ulo/ sa pangalawang banyo/ basag ang salamin at walang tulo sa gripo/ at sa huling banyo/ ang pintuan naka-kandado/ wala ng nagawa/ akyat sa ika-limang palapag/ sakay sa elevator na nakakalula't nakaka-kulubot ng bayag/ mga kaklase natagpuang di-natitinag/ tuloy ang kasiyahan/ tuloy ang tawanan/ tuloy ang halakhakan/ tuloy ang mahabang kwentuhan/ na noong makalawa pa inumpisahan/ kanya-kanya ang bitaw ng palakpakan/ meron sa unahan/ sa likuran at tagiliran/ handog sa mga nagsipag-sayawan/ kantahan/ at mga palarong pambata/ na sinimulan ng ka-iskwelang/ parang mga tamang hinalang/ tinamaan ng bulalakaw mula sa kalawakan/ ayos lang/ at tuloy ang walang humpay na sigawan/ ultimo ang dapat pag-aralan ay di rin naman natutunan/ nasayang lang/ ang pagod mula sa pagpanik sa hagdanan/ at ang mahabang talakayan/ mula sa aleng malayo pa ang pinanggalingan/ hayaan na lang.

dumating na rin ang oras na pinaka-aabangan/ sa dinami-dami ng mangyayari eto talaga ang aking inantabayanan/ ang pagkanta ng kwelang diwatang mahiwaga/ at ang himig ng awitin/ mistulang halimuyak na hinatid ng hangin/ at ang damdaming praning/ dahil sayo/ naging kalmado/ handang magbago/ magpapakabait na ko/ at di na mang-gagago/ pangako.

malakas ang ulan/ ngunit handa ako/ na ika'y aking payungan/ sabi mo salamat na lang.

sa mahabang daanan/ ako'y nakipag-unahan sa takbuhan/ ngunit ako'y naabutan pa rin ng bilis ng kalungkutan.

sinaliksik, siniyasat, at hinanap/ ang katotohanan/ at pagkadismaya ang tumambad sa aking harapan.

di bale na lang/ wag mo kong kausapin/ wag mo kong pansinin/ wag mo kong intindihin/ at kung sakaling/ makasabay kitang muli sa daanang makulimlim/ pangako./ nakahanda akong/ ika'y aking payungin!

|september15.2009.11:58pm