pagod

gumuwa ako ng tulang-puro umpisa lamang

walang pinang-galingan

walang patutunguhan

at natigilan.

walang letrang gustong sumunod

walang ideyang gustong lumuhod

utak ay pinulikat

nalunod.

mag-isip

muli

'wag na

nakakapagod.

august.28.2009

PULA

Huwad ang ilaw

Huwad ang kulay

Mapagpanggap

Pula ang kulay ng langit

Walang bituin na nakasabit

Di na babagsak ang mga tala

Walang nakadungaw sa saradong bintana

Ang radyo wala nang huning musika

At ang hangin matamlay ang paghinga

Pula ang suot mong damit kanina

Habang hinahagkan mo sya.

dahon

Minsan ako’y munting dahon

Minsan ako’y tumubo sa puno

Ngunit di rin naman nagtagal

Hangin ako’y tinanggal

Pinilit kong lumapit at dumikit

Pinilit kong kumapit ng mahigpit

Di ko akalain puno, ikaw pala’y malupit

Dahil papalayo mo akong pinitik

kasabay ng pagpalit ng kulay

kasabay ng pagkalanta at pagkatamlay

kasabay ng pagdilim

kasabay ng pagkulimlim

munting dahon

natuyo

naglaho

december27.2008

223

Hi miss, pwede ka bang makilalang muli? wag ka namang magmadali, pahingi naman kahit konting sandali.

unang beses kitang nakita/ sa ladislao diwa/ may kasama ka pang matabang bakla/ di ko na matandaan kung ako'y napatunganga/ natulala o may tumulong laway mula sa bunganga/ pero sigurado akong/ sayo'y, di ako humanga/ pero tang'na/ isang 'bes lang kita nakita/ pero lagi na kitang naaalala/ pwede ba kitang makilala?

dalawang taon ang nagdaan/ pagkatapos nito'y muli kang namasdan/ sa klasrum na maingay at mainit/ pawis ang ilong, likod, pati singit/ pero 'pag sayo nakatitig/ ang paligid biglang malumanay at tahimik/ pakiramdam ay laging presko/ parang umiinom ng malamig na zesto/ kung minsan ay nangi-ngiting mag-isa/ kahit mukhang tanga/ kasi naaalala na/ kapag bumelat ka hugis puso ang dila nakakatuwa/ sobra mong kwela/ kaya ni-minsan 'di-umabsent sa iskwela/ sinasadyang ang lecture ay di makumpleto/ para mahiram ko ang iyong kwaderno/ salamat sa notebook!/ pasensya na parang gago 'ata yung mga sagot ko sa slumbook/ hanggang sa nagbiro ang pagkakataon/ pati si maam naki-ayon/ laging may baon/ na biro/ naki-halubilo sa mga kaklase nating sira din ang ulo/ hanggang di ko na matandaan/ kung kailan/ tayo nailang/ at bigla mo kaya akong sampalin/ kung sasabihin kong ako'y bading/ dahil di ko kayang aminin/ o sabihin/ isusulat ko na lang sa tubig o ipatatangay sa hangin/ ang tunay na nilalaman ng aking damdamin.

ika-9 ng setyembre, salamat sa pangalawang buhay ko/ naisip at napagtanto/ na kailangan ng aminin 'to/ kung humihilab lang ang tyan ko/ o tunay ang nadarama ko/ disyembre, unang beses kitang nakadaupang-palad/ magkasabay na lumakad/ sa kalsadang malapad/ pero parang di pinalad/ dahil ang lahat-lahat na aking inilahad/ mistulang nabalewala/ di pala tayong tunay na magkakilala at

at di ko/ na itutuloy ang kwento/ di ko na sasabihin/ dahil parang nakaka-asar basahin/ kung di rin magiging happy ang ending/ kasi/ sana/ i-tobecontinue pa natin.miss pwede ka bang makilala ulit?!



pebrero 4, 2010 | 1:15a.m.

kumot

hinahabol ako ng isang bangungot/ pinilit kong magtago sa makapal kong kumot/ siniksik ko ang sarili at ako’y bumaluktot/ ako’y naabutan kaya sa ulo ako’y napakamot.

Isang bobong mangkukulam na tambay sa kanto/ sa madilim na sulok sa ora-de-peligro/ mukha nya’y hugis mangga/ nuknukan ng haba ang baba nya/ at kulang ang harang sa bunganga/ makapal ang buhok sa dami ng kuto/ at kung titignan mo ang itsura nakaka-insulto/ mahaba ang buntot/ walang utong at malibag ang suso.

di ako makapagtago/ sinusundan ako/ sa daang lubak man o espaltado/ pero ultimo/ sariling grupo/ ng mga mangkukulam sya'y tinataboy palayo/ sinusuka/ at dinudura/ na parang malapot na berdeng plema/ pero di nagsasawa ang bruhilda/ ang kapal ng mukha nya/ na mistulang alpombrang gawa sa lata.

ang lamang-lupang ito'y mayabang/ at daig nya pa ang tanga/ dahil sya'y nagdudunung-dunungan/ nagpapanggap na maraming alam/ nagtatalino-talinuhan/ kulang na lang kidlatan/ at parusahan/ ilubog sa lupa/ gawing pataba/ at lamunin ng halamanan/ eto pa ang malubha/ meron syang kasama/ isang hugis tao/ na may mata ng kwago/ at ulo na bao/ ang boplaks at ang tolongges/ na may iisang amoy/ ito'y laway na panis/ at ang bangis/ dahil pareho silang mandaraya/ kasi pati pagsusulit ng kanilang guro/ kanilang minanipula/ ginamitan ng siencia/ sagot ng katabi ang kinopya/ at yung isa di pa nakuntento/ gumamit pa ng telepono para ang pagsusulit garantisadong perpekto/ sinigurado ng tarantado.

habulan yata to' na walang hintuan

walang hangganan

ang sandata ko lang, ay lapis

at papel lang pananggalang.

sana'y maalimpungatan.

october.17.2009|12.50am

puıןqsıǝʌoן

trapik

hindi'tolovesong

Disyembre 2008

kwela-iskwela

matatapos ang ngayon/ tatawagin itong kahapon/ at para marating ang kinabukasan/ kailangang tapusin ang maghapon/ salamat po Panginoon/ para sa mga taong/ nahuhuli sa karera/ ay lagi mong nililingon/ at ginagawaran ng isa pang pagkakataon.

gising nang/ alas kwatro-y-media/ ng umaga/ deretso sa kubeta/ ang almusal para sa 'kin di mabenta/ higop ng gatas sa tasa/ ayoko ng kape o tsaa/ mapakla ang lasa/ mag-aabang, sasakay, at dapat listo ka sa bus/ baka makatulog/ lumampas sa lawton at mapadpad sa sta. cruz

ang aga-aga/ ko na/ ang haba-haba pa rin pala/ ng pila/ parang di umaandar kanina pa/ anak ng tinapa/ ihing-ihi na ko/ 'pag pasok ko sa banyo/ kumunot ang noo/ sa sobrang baho/ sa ilong ko/ parang may gumuguhit na basag na plato/ walang tabo/ ang salamin malabo/ walang tubig sa gripo/ at yung magagandang banyo/ nakakandado.

balik sa pila/ na kanina ay may tatlongpu't walong katao/ pero ngayon/ parang lahat ng tao/ sa pitong libo - isandaa't pitong pulo/ ay nandito/ nakakahilo/ inom muna ng C2/ pampalamig sa mainit na ulo kong kumukulo/ pagkatapos sa pila/ punta dito, balik doon/ pagkatapos ng labing anim na beses na paikot-ikot/ at pabalik-balik/ salamat at tapos na rin ang enrollment/ sa first day of class meron agadassignment/ mahabang sulat-kamay, nakakangawit/ kung ang sulat mo pangit/ baka ipa-ulit/ kung ma-late at mapagtripan/ pakita ka ng special talent/ nakakabwiset/ pero ngingiti ka pa rin kay sir/ parangcontestant ng beauty pageant/ minsan late ang prof. at konti lang naituro/ di pa klaro/ ang labo/ patay!/ dahil bukas may long quiz tayo/ anong aasahan mo/ sa grado ko?/ syempre zero/ ayos lang/ sayo na isandaan mo/ nakita ko/ kanina nire-review mo/ lukot na kodigo/ ipagmalaki mo yan sa lolo mo!/ prelim, midterm, final exam/ laging inaasam/ ang isandaan/ pero di makamtan/ dahil ang hinaharangan/ ng bungo kong kapirasong laman/ ay kaunti lang/ ang nalalaman/ pero punong-puno ng wisyo/ at may di nababaleng prinsipyo/ ang talino/ di ibinase sa libro/ utak-kalye/ sa buhay may diskarte/ magalang sa nakatatanda/ at maginoo sa babae/ kahit minsan lang makadale o minsan lang makabawi/ alam mong pasado ka na sa klase/ pero sabi ni sir na bungi/ panot at pangit/ ako daw ay sumabit/ at kailangan daw ng special project

Nakakapagod.

kahit ganito ang iskwela ko/ kwela dito/ kahit mainit sa klasrum/ 'kaantok/ nakaka-high para kang tumira ngvaluum/ uminom ka ng imodium/ dahil nakaka-pressure/anglecture/ at lahat ng uri ng submission/ pero di problema ang tuition/ fee/ may sobra palagi/ pambili o pang-libre/ ng sisig/ at isa't kalahating kanin/ at may konti pang toppings/ o pwede ka rin tumuhog/ wala lang sanang mahuhulog/ fishball at kikiam/ o kwek-kwek/ ganito ang iskwela ko/ di man perfect. kahit pangalawang beses na inulit ko/ o kahit umabot ng pang-walo/ uulitin ko/ ang buhay-kolehiyo/ ng pagiging inhinyero/ ay pipiliin ko pa rin ang iskwelang ito.

photo|tough hits vol. 2 by tito vic and joey

plojopoemas|march.21.2010|6.32pm

batang row four sa college

ABCDEFG
Ballpen ko’y walang tinta, calcu’ ko’y walng silbi
HIJKLMNOP
Ako’y tinanghali, lumiban at tumambay sa tabi
QRSTUV
Sumandal sa poste, nagbilang ng dumadaang kotse
WXYZ
Walang natutunan, tapos na ang klase.



‘To ay babasahin para sa mga hindi mahilig magbasa!
‘To ay para sa mga mahilig tumawa, mahilig pagtawanan ang iba,
at para sa mahilig mag-mura! syit!

Tapos na ako sa MALULUPIT(technician),
punta akong MABABANGIS!(engineering)


Marami ditong, matatalino, maraming alam.
At mga walang alam, mga hunghang, mga mang-mang!

Gusto kong mag-sanay dito
At maging MABANGIS.

Pero dito binasag at dinurog nila ako ng buo
Solid to Liquid! Evaporation ata tawag dun. syit!
Pina-alam nila na isang buong libro ang alam ko,
At sila naman,
tatlong library. wow bigat!

Yung matatalino dito
kailangan ng maraming libro,
Maraming papel, para sa scratch,
at maraming scientific calculator.

Yung mas matatalino naman dito
kailangan lang ng isang ballpen at konting papel,
kahit anong calculator, para sa props,
at mala-ninja sa bilis na mga mata.
Ganun ka-basic, syit ulit!

Gusto ko lang ikwento,
Di ko gusto maging rebolusyonaryo
Walang dadanak na dugo, gaya ng ginawa ni Andres
Walang pananaw na magbabago, gaya ng ginawa ni Gat Jose
Pero pwedeng lumobo ang sipon sa kakatawa.
Pwedeng magmura pag di mo nagustuhan ang yong binasa,
at kung nagustuhan mo naman,
pwedeng magmura ng dalawang beses! Taenang Syit!

-adbentyur ng batang row four sa college

lingon

malamig/ maginaw/ ang tanging pang-tapat ay kapeng matabang/ at mainit na sabaw.

ikaw ang dahilan kung bakit masarap gumising/ kahit pa maginaw na hangin ang yayapos sa akin/ ay pipilitin/ lalanguyin/ ang timba at tabo/ tunaw na yelo/ ang pampaligo/ tuyot ang nguso/ sa ilong, sipon at dugo/ ang tumutulo/ pero 'sang lingon mo lang/ gumagaan ang pakiramdam/ kapaligiran ay nagiging maligamgam.

malamig/ maginaw/ sa ilog o sa batis mahirap magtampisaw/ masarap humigop ng kapeng matabang at mainit na sabaw.

ikaw ay magmumula sa kwarto/ ng bahay kubo/ isangdaan at apatnapu't walo/ tayo/ sa almusal/ magsasalu-salo/ lahat masayang nagkakagulo/ pero ako/ seryoso/ di matinag ang tingin sayo/ kahit naka-tungo/ na sumusubo/ ng sinangag at ulam na tatlong pugo/ sawsawan na patis, ketsup at konting toyo/ pinyang juice sa baso/ kape sa puswelo/ ikaw ang bahalang maghulog ng yelo/ o magterno/ ng asukal, gatas, at konting halo/ di na mahalaga kung anong rekado/ 'sang lingon mo lang ang araw biglang kumpleto.

malamig/ maginaw/ sa harap ng bintana ikaw/ ang natatanaw/ nais kitang ipagkanaw/ ng kapeng matabang at alukin ng maiinit na sabaw.

ikaw ang nota/ do-re-mi-fa/ sa malambing na musika/ so-la-ti-do/ pang-sakto ng tempo/ ang himig laging timplado/ sa sayaw/ boogie, tango, o huling el bimbo/ ikaw ang nagbibigay ng tyempo/ para sa bawat hakbang/ may tamis at konting anghang/ pang-alis/ ng umay/ at kontra-tabang/ nakaka-indayog/ ang hatid mong tunog/ sa gabi/ malanding tinig mo ang pampatulog/ laging nahuhulog/ kahit isang lingon mo lang!

dec.28.2009|8.50pm|baguio city

restyourwearyheart

“Rest your weary heart”

Magkasalungat ang paghinga at pintig ng puso

Magkalaguyo ang asido at tuyong dugo

Kinukumot ang kaba

Nilulungad ang luha

shhh…

Lahat nagawa mo na,

Pahinga ka na,

AKO na bahala sa iba.